طب والله جميله يعنى بدل مانمون بنزين نجيب برسيم
طب ده حل مفيد
نبيع القضيه
ونعلق هلال علي شكل صليب
ننزل نغنى بالتوحديه ( السينيه ) علي قهوة التجارية في اسكندرية
ماهو مش معقوله ناكل مع بعض فول من عالعربيه الصبح وبالليل نضرب بليله
وتتشال الغمه ونعرف اننا شياطين
مش طلع الايدين مش متشابهين
والدم هنا جلاتين وهنا نيكوتين
اما غريبه يعني نقوم م النوم رجليه في وشي واقول ديه ( مصيبه )
ماحنا ياما نمنا وصحينا وشربنا الشاي واتصبرنا بتعميره
الله يخربيت امه اسمه ايه اللى حيفرقنا عن بعض
ماهو انا انسان وانت انسان وربنا مش حيكون فرحان لما ندبح بعض في الميدان
هيه الثورة ديه اتعملت ليه مش علشان نعيش في سلام
ياخوانا ده ( سين ) مش برسيم
واحنا ياعالم بنى ادمين
مش معقول كل يومين برسيم بام ( السين )
حنروح فين ياعم رجل ( السين )
ارجعوا انتوا الاتنين لاصول (السين)
(السين ) مش برسيم لحمير
ده ( السين ) جميل
( السين ) اخلاق
صعيبه عليكوا الفهم
ولا السبوبة كبيرة والمتنافسين عليها شداد نحيته
اللا مفيش حد بيقول اخلاق خالص باسم ( السين )
هو (السين ) " جري " م الاخلاق
طب حد يحلق عليه ياخوانا ليضيع
حب اخوك مش من ( السين )
ساعد اخوك مش من ( السين )
اللا هو مفيش في ( السين ) غير اقطع اخوك نصين
وشيل واضرب واكتم وصهين باسم ( السين )
لاهو دول شياطين ودول ملايكه في كل (سين )
شياطين شياطين - وفيهم مجموعة ملايكه متاكلين
فرقه واخده شهاده الاستشهاد
والفرقة التانية واخده شهادة الجهاد
واحنا نروح نتجرنل في صفحات الجرانين
يعني اكيد دول مش بنى ادمين
طب يعني نطلب ( سين ) جديد
هو مش مساعدة الغلابه م ( السين )
لاهو انا لازم امسك الغلبان
اجبره يشجع فريق عن فريق
اخضر عدى اسود هدى ابيض ارميه في البي بي
مفيش حد عاقل يأصل فكره اننا كلنا بنى ادمين
طب عيشوا كويس يومين
ماهو لو عاوز كان وحد كل الصنف في ( سين )
وكان خلى كل البنى ادمين ( واحد ) كبير
بدل مانقف ونتكاتف في قضية واحده
بدل مانهتم لبلدنا ولبحوثها ولميه نيلها
حنسيب بلدنا ونسئل هو مين راح ( لسين )
طب وبعدين حنقضيها كلام
طب ومين بيلم الودان مين بيلم الايدين
وايه موقف ( السين )
مفيش حد يعمل كلمتين تفيد البنى ادمين
سين وسين وسين وسين
وفي الاخر متوحدين
ينزل الشارع يعلم صنعة لكل الكحيانين
ويدى كل الغلبانين والمساكين
انا مع ( السين )
اللى حيخلق جوانا روح اننا كلنا في الاصل بنى ادمين
اما ( السين ) ( والعين ) ( والجيم ) فاكيد كلنا مصريين
ليست هناك تعليقات:
إرسال تعليق