الاثنين، 20 يونيو 2011

الجواز


ان الاتحاد في العلاقة الزوجية يكون روحي وجسدي في وقت واحد مش جسدي او خدمي بس ومش من جانب واحد ( كسر تابوه بابا بنك فلوس وماما خدامه )

يجب احلال مفهوم العطاء المتبادل بمعنى مش بس ان لكل شئ مقابل .. فيه بذل وعطاء ... ولازم يكون الجو العام للجواز يكون متزن

ايه يكون حالة الزوج لما يكون مش عاوز ولاد ده يأكد الانانية المطلقة

كل فرد اقدم علي الجواز لازم يسأل نفسه -
هو ليه اتجوز؟؟
شايف السعادة اللى في الجواز في ايه ؟؟

هل فيه عائق او فرق بين النجاح والسعادة الزوجيه ؟؟
النجاح هو معيار اجتماعى للناس من حواليك
اما السعادة الزوجيه فهى معيار شخصي خاص والسعادة تشتمل علي النجاح
السعادة هى نجاح فرد ونموه في كل المجالات مش بس المجال الشخصي انما في كل المجالات
من مستوى الاسره والابناء الي الكينونه الخاصه بالشخص نفسه فلا تعارض
وانما عملية تنظيمية للاولويات والهدف من الحياه نفسها
فالطموح الاعمى يجعل الطموح يتحكم في الانسان
لما ابعد من شخصه وانما الطموح يجد في بعض المستضيفين له ارض لبعد الشخص عن الانسان داخله
فالسعادة وهى نسبيه من شخص لاخر

الاسرة ، المهنه ، المجتمع الخارجي

فيه فرق بين المبادرة وبين الانفعال في المنعامله الاسريه

الانفعال - مش بايدي حيله - هي مش فاهمانى
انما المبادرة - لازم نلاقي بدايل او نخلق حلول مبتكره

الانفعال - هو انا كده عجبك ولا لأ
المبادرة - انا ممكن اختار طريقه مختلفة تقرب المسافات

الانفعال : حيخليني اتجنن
المبادرة : لازم اتحكم في المشاعر


جزء اول

السبت، 18 يونيو 2011

الديك - اللام هنا شمسية

زمن معيوب

كان الزمان انسان

ليه الزمان مبقاش

زي زمان

الدنيا فيه مقلوبه

واطيها بقي فوقيها

بقي يسرقونا ويتهمونا فيها



قتلت كل حاجه حلوه فينا



هى متقسمه اسياد وعبيد



عسكر ولا حراميه !


الخميس، 16 يونيو 2011

حنين


















اهداء التى تعرفنى وعلمتنى تقديرا لها واحتراماً


لا احد يعلم
ما سبب اللقاء
ماسبب الفراق

ولكنا مشينا وتكلمنا
وانتهي الكلام بيننا
حسبنا ان بيتاً واحداً لنا
ولكن لم يكن

كنت اظن
اننا نلتقي
غير اننا كنا نفترق
لم نعد نحلم نفس الحلم
فاحلامنا تبددت
وربما حلِمنا ولكن احلام بلا اجنحه
فالاجنحه متكسره

للاماكن التى تجمعنا
نفس الرائحة
ذكرى لشئ ما
غير اننا تباعدنا
افترقنا
وبقي المكان

ما السعادة
وما الحقيقه
فنحن في حل من التذكار
لكنى اهوى عشبي الاخضر

حنيني ياطير
اخبرها
انى اتوق لها
بابتسامتها

لترد ايها الحنين
هيا لنزرع معاً لها شجره
باسمها

فانا اريد احتضان اطفالها
فهم جزء من ذكرياتي لها

انا طفلك
فارجعى لنتبادل الحديث
السمر
اللهو
الحياه

في ذلك المساء جلست
وانا اتذكر تلك العيون الباسمه
لاتسأليني لماذا لا انسي
فقط
لاتتذكريني

الأحد، 12 يونيو 2011

نسيان


ايامنا
احلامنا
والباقي منا
ذكرى ... اسم ... لانسان .....

في اذنى موسيقي حزينة تحرك احزانى
وعلي شفتى ابتسامة ساحره فيها من لهو الحياه

لترفعوا عنى الاحزان
فالله في داخلى طفل يرافقنى

لم العب معه بل تجادلنا
وفي خضم اليوم تعاركنا
وكدت اقتله
ولكنى تسائلت
هل ترانى ؟
ام ان الذكرى رحيق للقاء
تتساقط منى انفاسي بين تلك الاهواء
لم انسي يوماً كنت فيه بالامس القريب ملكاً
زهواً نجم الصباح والمساء
وصحوت
وعلي خدي نامت دموعى
انا هنا
امازلت تبحث عنى
ام ان الوقت كافي للنسيان

رفيق وجيه
12-6-2011

الخميس، 9 يونيو 2011

يا أهل مصر المحروسه



















*يا أهل مصر المحروسه من كل عين ومن العيون

سايق عليكى والنبى أما أموت تحضنى في الناس مشاعرك

إديها بذرة خضره صغيرة للجدع ابن البلد الأصيل

واسقينى من ميه حنانك ارتوى لجل العطاشا والجياع للى زى

وادينى بنت حنينه ميته جنبى وملفوفه بكفنى بين السيده والحسين

*يا أهل مصر المحروسه من كل عين ومن العيون

سايق عليكى والنبى أما أموت تلملمى باقى حشايا معدتى لملمى

وكونى جيل جديد بولادك وخلى فيهم قلب طفل وعينين صبيه وحكمه كهل

*يا أهل مصر المحروسه من كل عين ومن العيون

سايق عليكى والنبى أما أموت خلي ابويا عريس وكأنه في الزفه

وأمى عروس النيل علي مركبه بدفه ياللى ظالمين الحقيقه افهموا معنى الحياه

في الحب الف معنى وبالحقيقة المطلقة حينكسر جوه قلوبنا الحلم ونموت

*يا أهل مصر المحروسه من كل عين ومن العيون

سايق عليك والنبى أما أموت تشقرى علي وردتى الحلوة الجميلة

وهيا في أحضان الغريب وتسلمى علي ابنها ابن الحياه

وشقى قلبى وعلمي منه للولد معنى المشاعر والعبث والحياة

المضحكه المجرمة المؤلمة خليه يعيش في الحنان

متفرقيش بينك وبينه يا حياة

*يا أهل مصر المحروسه من كل عين ومن العيون

سايق عليك والنبى أما أموت افرحى وهللى ونطى الحبال

انك خلصتى من عشيق مجنون ودقى مليون جرس وأدان الله أكبر بسم الصليب

*يا أهل مصر المحروسه من كل عين ومن العيون

سايق عليك والنبى أما أموت ارميلى ورده في الفضا وسط السكون

وأصرخى وجلجلى ملعون حب الحياه كرهته ومات مصلوب علي عكاز للأمل


الأربعاء، 8 يونيو 2011

من كلمات الرائع محمود درويش


لم أُولَد في مكانَيْن .. ولكن في وسْعي أن أموت في أكثر من مكانٍ وفي مقدوري أيضاً أن أُولَد وأموت في كُلّ قصيدة
وأنت تنام وتُحصي الكواكبَ، فكِّر بغيركَ ثمّةَ مَنْ لم يجد حيّزاً للمنام

فافرح، بأقصى ما استطعتَ من الهدوء لأنَّ موتاً طائشاً ضلَّ الطريق إليك من فرط الزحام

إن صرخت بكل قواك، ورد عليك الصدى " مَنْ هناك؟ " فقل للهويّة: شكراً

فإن أسباب
الوفاة كثيرةٌ من بينها وجع الحياة
سألتُ نفسي: هل يرانا أم يرى
عَدَماً ويأسفُ للنهاية؟ كنت أعلم أنه
لن يفتح النَّعشَ المُغَطَّى بالبنفسج كي
يُودِّعَنا ويشكرنا ويهمسَ بالحقيقة
ما الحقيقة؟


كان يمكن أن لا أكونْ
كان يمكن أن لا يكون أَبي
قد تزوَّج أُمي مصادفةً
أَو أكونْ
مثل أُختي التي صرخت ثم ماتت
ولم تنتبه
إلى أَنها وُلدت ساعةً واحدةْ
ولم تعرف الوالدة ْ ...



وتقيموا أينما شئتم ولكن لا تقيموا بيننا
آن أن تنصرفوا

ولتموتوا أينما شئتم ولكن لا تموتوا بيننا
فنا في أرضنا ما نعمل

ولنا الماضي هنا

ولنا صوت الحياة الأول



لينك بصوت الشاعر الرائع محمود درويش
http://www.youtube.com/watch?v=JcfMM382OhU


الأحد، 5 يونيو 2011

اصله هوائي متطرف











الوزير دائماً يمتلك القرار - والمواطن دائماً لايمتلك الا الاسف - لذلك يتظاهر الوزير في كثير من الاحيان انه مواطن لايمتلك الا الاسف - لان هناك دائماً اسد .....

ام كلثوم تلك العلامه المميزة والتى نحتفل بها سنوياً -غير اننا نسمعها يومياً - ونتعجب من روعة صوتها في تلاوة القرآن لذا حجبوا تسجيلاتها النادرة من الاذاعة المصرية

القرار في مصر هوائي متطرف - يحيا محمد نجيب - يسقط محمد نجيب - انا محمد نجيب

متى يقيموا الحد علي الغش السياسي بقطع اللسان

ليه فيه تربيزة من اصله علي شان يبقي فيه حاجات بتعدي من تحت التربيزة

كيف زاد سعر الانسان المصرى من 600 جنيه مصرى الى 5000 جنيه للمتوفي

كل الارقام كل الارقام في بلدنا متضاربة - بطالة - امية - نفسنه الخ الخ الخ

قبل التطبيع مع اسرائيل نتمنى التطبيع مع حكومتنا

نعم الحكومة كالاعمي تتخيل نفسها لكنها لاتراها

متى تستثمر الحكومة كل هذا الكم الهائل من المليارات المودعه في البنط المركزى بحجه الامن المصرفي - ام ان المبلغ المذكور مسروق

كيف تنظر الحكومة الى جيوب الشعب - المفترس والفريسة

في النهاية سيتم خصخصة سجن طره لاحد كبار المستثمرين وستنتشر محلات المولات الضخمه ذات الماركات العالمية

الشعب يسيطر في القانون والدستور - غير انهم اختلفوا في مفهوم من هو الشعب

الاتفاق المبرم بيننا وبين الحكومة - احنا ننقد الحكومة - نشتم الحكومة - والحكومة تضحك علينا وتسرق فلوسنا هاهاهاها

مشروعاتنا القومية جع جع جع جع جع جع جع واهدي ونام واطمن - الشعب مش بيفتكر حاجه -علي سبيل المثال محو الامية كان مشروع في السبعينات وبعدين التمانينات والتسعينات والالفية الجديدة ومفيش فايدة

نستطيع كما انتجنا وتفردنا بانتاج عسل البرسيم - فمن الممكن ان ننتج غذاء للانسان من خلاصة زهرة البرسيم

الكذب اصبح السمة الغالبة في رجال الدين - المشكله انهم يكذبون باسم الدين غير مدركين لماهية الكذب -لن نفهم شيئاً فالموضوع معقد

قد كانت عبادات مختلفة في مجتمعات بدائية مختلفة ثم وصلت للدين ثم اللا دين فهل ينتصر الاستنساخ

من المفترض ان يطالب الناس بحل كامل لكل القوى السياسية السابقة بما فيهم الاخوان المسلمين




الجمعة، 3 يونيو 2011

كلام قبيح


في الميدان اى ميدان في كل ميادين الثورة - الحاله ضعيفه جدا - والتحيه ضحكت ع الدقون - ومنتظرين المخلص م الاخوان - نازل من السما ف وسط الميدان

الشباب ماتت سابت ولادها وعيالها واهلها - والمصابين ولا حد مهتم - واحنا عمالين ناكل ونشتم ونلف ونتف بين كل القوى السياسيه بدعوه الاتفاق - علي ايه !!! - بعد الثورة ركبها الانقلاب

مين حيكمل الايام - احنا بنتوه - وهيه رحله مرة واحده - بس للاسف واخدين حبوب تنويم

الاخوان بتقسم نفسها لستين جزء للدرجه ان محدش حيقدر يتتبع التقسيمات والتربيطات - والكلمه السحرية اكس اخوان

انا لو مكان المجلس ولا اسيبها - ديه جميله وحلوه وطريه وسهله وعفيه ومتعه والناس مش شايفنها وعلي راى نجيب سرور فاتحه رجليها

احب عدوية - هي صحيح زحمه في السبعينات - وعلي راى ابنه محمد مولد في الالفية - هي صحيح كانت زحمه و بقت مولد

الشعب في خدمه الشرطه

الشعب المصرى محتاج عملية اسئصال البروتستاتا - علشان يتهد - عيــــــــــــــــــــــــــــــــــــــــــــــــــــب

اقسم بالله العظيم تلاته واربعه وعشره - احنا لسه غلابه

سلفنى ضحكتك ياجدع - اصل انا بقالى تسعين يوم حزنان بين الفلول والنظام والرئيس ولسه شايف ناس بترتشي - وناس بتتدعي - وناس بترمى الزباله في نص الميدان

لو اتغيرنا حيبان علينا - واحنا الحمد لله - شالوا الدوا ولسه محطوش" شاهين " - واحنا بلا اخلاق لكن بدقون بجلاليب

متحاسبنيش -انا لسه مش موجود علي الساحه - اسئل بقي اللى راكبوها - شوف حيقولوا عننا ايه - اننا لسه ماتخلقناش

اعمل اللى يريحك من غير ماتتدخل في حريتي - وربنا حيحاسبك زي ما حايحاسبني تمام - غيرش ان ممكن يسئلك ويقولك انك مين اداك الحق في الحكم على الناس - وجايز يحكم عليك لانك انتحلت صفة اله

انا معرفوش - مكلمتوش - ماشفتوش - ولا كانله حس ولاخبر - تلك هي الكلمات التى تنتظرالرئيس القادم من الجموع - سيظهر من داخل المؤسسة العسكريه كما فعل جمال عبد الناصر

ينعل ويخرب ويحرق ودين وميتين وسلسبيل الحيطان ع الجيران علي العرسه ام ديل بيلعب

ندعوا لنظام جديد - بس الاختلاف نظام مارشدير ولا دفع للامام - واهو في التوك شو الكل بيقول نفس الكلام ويجيب نفس الناس.

انا عارف ان انتوا كنتوا مستنين كلام قبيح اكتر من كده بس معلش الظروف