اقرا باسم جسمك العارى
ففي البدء كانت لمسه
واللمسه كانت شهوه
والشهوه صبحت متعه
والمتعه في الاصل احتكاك
الامتلاك مجرد كلمه
لكنها نوع م السلطة م المتعه
في كل حته منها غزل
ضوء وضل والتواءات
امتزاج لونى بديع
طاقه وفراغ او كيس رمل
حاول تداعب اكياس الرمل
حتتوه حتستمتع وفي النهاية حيتف
شوقك غلب كيانك في لعبه الاكياس
مالك ماتخافش !!!!
الزني مش باشتهاء الرمل
اجعلها عاريه
اصنع الامتاع بحركه ايديك علي الرمل
شذوذ جنسي !!!
ماتقولشي
حرك جوارحك ناحيتها قصدي ناحيه الرمل
مش حتصدق الا لما الرمل يتحرك
يتلوع يتوجع يئن يشهق
الرمل انت شايفه جماد لكنه طاقة وفراغ يبقي حي
حرك ايديك ماتخافش كمل اللعبه
الرمله مش قادره
اخرم في الكيس خرم
الدم حيسيل كخط واحد متصل
لحد اما تصفي منها كل نقطة رمل
ماتخافش هي صورة مش موجوده
لا في الشوف ولا في الحس ولا بالممارسه واللمس
هي طول الوقت كات عريانه
لكن انت عينيك شايفاها
لحمه متعلقه متشفيه
وانا شايفها كيس رمل
مرمي وعليه شوك
حتفوقوا امتى يانفوس عريانه
بتتلوي بطبع الزيف والستره
والاساس هلس
ليست هناك تعليقات:
إرسال تعليق