مين فينا فيه من شريعة المسيح ع الجبل كلنا مسوخ
رفيقي في الخير والبر والفضيله
بدلنى علي طريق التقديس بكيسين بليله
وعربيات ومزارع وفلوس
وكراسي واوامر وتوصيات ومايكروفون
سنين وسنين مهما قلت
فضل عاميني مشوهني
بالامل والابتسامه الفارغه
وصوره مصطنعه م الجنه
الثقه والاختيار وكلام يلهب النار
تجلى لحظات الايمان
للقيم للعدل للحسنه للصدق
لكنه ماعاد زي ماعرفته
ودعنا وفرقنا
جلبيه سوده
وقلب انقلب اسود
صور لنفسه هاله انه الملاك
وانا مندوب عن عدو الخير
لكنى مش حسكت
شاعر بعارك بعريك
شايفك خاين الامانه
لكن ورغم التنكيل
انا ابداً مش واقف بعيد
مستني بايديا اساندك
اغفرلك خطيه التعالى
خدني في حضنك او جنبك
لكن بشوفك بترفع ايديك تصلي
تحول الخبز لجسد ودم
بتشرب دم لكن دم الابريا
دم كل انسان فقير بيمد ليك مطلبه
اغسل ايديك اتبرأ من كل بنت ليل
ولو طلت ترجمها ارجمها ونكل بيها
عنجهائي
تعرف ايه عن حب اعدائك
بيع الضمير والمبانى والحيطان
للى يدفع اكتر
فرق جماهير العبيد درجات
محبه راسمالي
اللى يدفع يبقي مخلص
يتفتحلوا ابواب من حرير
واللى يطلب مطلب يبقي مدنس
علَي طوب السور
ضلم علينا النور
اربطونا اكتر في سلاسل من حديد في السور
مسيرنا نكسر قرون الطور الحمرا
ونبارك لاعنينا
( دعوه محبه )
ليست هناك تعليقات:
إرسال تعليق