اضحك كمان ياعم جلال

 

 

عاشت المسخره
ومات الساخر ابو ضحكه صافيه منوره
كلامه نَور قلوب معتمه وخرسا
وقلبه الميت علي نفس نهجه م الامل
نفس احساسه بالهموم بيصوره بضحكه ساخره

اضحك ياعم جلال علي مالت اليه الامور
ياعمنا الضحك صعَب علينا السعي للملحمه
قالوا النشاط السياسي قلت نواجهه بكلمتين مسخره
اضحك يا نجم عالي في السما
ضحكتك مجلجله
عمت الفضا
عمت علي عموم الارواح
حتتلاقي بالشهدا
بالمخلصيين بالصادقين
حتشوف القلوب الصافيه
ده بيضحك ده بيحكي ده بيسامر ده بيدعِي
الكون ماعاد يساع القلوب الطاهره

ذكريات الطفوله علمت علي قفا الشعب الهزل
تعليمات الخروج والخنوع والقعده علي الكنبه الصفيح
نظير ان عقلنا يطاطي مانحلم
رحيلك لبعيد ادمى قلوب كل الشباب الطاهر
ماعرفوا عنك غير ابتسامتك
غير مشاركة قلبك لكل قلب بيقرا همهم وهمك

ارجع بقي مين ممكن حيكتب زي كتابتك
مين يقدر يصبر اهل الشهدا والفرقا
مين فينا ينظر لابتسامتك ولايضحك
ماعاد غير الدم والتراب والفراق
ماعاد فيه نهر النيل كله جف