اسمع موسيقي
حاول تحب
لو غضبت زعق عبر عن اللى جواك من غير تجريح
البس جلبية بدله ستاره برقع مش مهم المهم انك تعامل الكل علي انه انسان
لو لقيت غلط حاول تقول في وش الغلطان لأ
خليك انسان وساعد الراجل العجوز في تعديه الشارع
لو معنكش انتماء لشئ خلى انتماءك لكل شئ حاسس بيه حواليك
ماتعندش كون بين بين لكن ماتقفش
لو عاوز تمارس الجنس مارس الجنس لكن خليك انسان مارسه بصورته الاصلية وهي الحب والاعلان
حاول تكره الامتلاك المتر في متر في اخر الايام مش حيفيد بشئ وانت معاك مليار
ازرع طول مانت ماشي في قلوب الناس - الناس محتاجه انشالله ضحكه صافيه صادقة خارجه م القلب
خليك فعال اكتب ارسم اشِعر عبر عن اللى جواك بصدق ماتخافش مسيره يعجب مره حد ويسمعك ويؤمن بيك
اضرب ايديك في الهوا طير - الخيال مش حيموتك انما كتم الحلم او قتل اللى نفسك فيه حيموتك بالملل البطئ
انا مش نبي ومش بنصح نكون انبيا او وكلا عن الاه ما في دين ما !!انما اقدر ببساطه اقول خليك انسان بجد
الاغتصاب في سرقة نظرة خبيثة لرجل او ايد او صدر او ورك علما بانك يافتى ليك نفس الصدر والورك والايد والرجل
لو دققت في الفقر تلقي سعادة هنا ضحكة معديه للقلب واغلب ساعات الغنى تكون في التمنى انك تعيش فقير تقف تاكل فول علي عربيه كل يوم الصبح
انا ملخبط مش عارف اتجاهاتى واللى مساعدنى علي لخبطي هى اختياراتي لكنى سعيد لمجرد احساسي بانى اعرف واقدر اتعلم كل شئ بجد
الخلاصة
عشان تكون انسان اضحك من القلب ووصل اللى في القلب للقلب
ليست هناك تعليقات:
إرسال تعليق