السبت، 17 سبتمبر 2011

العب شلح













بكرة تتطهر
ديتول وافيون
وبرنامج النظافة اليوم
واهو كله ملو فراغ قبل النوم

سِكروا وناموا
والباب مسكر
دق الشاكوش
ع الباب
جوه راسي
قلقنى
سهرنى
مش عارف انام
ركزت مش سامع مخرج صحيح للكلمات
لقيت حمار بيجعر يصحي الناس
بالميكروفونات

شعر صدرى ضاق
الفار لعب في عبي
قطة وفار
القطه حنان .. لأ بتخربش
الفار غلبان .. لأ متشرد
وصعلوك كمان
مش راح تنتهي الازمة
الفكرة في السعي والاجتهاد

اسطي وشيخ وحانوتى
عربجي وواحد م الاحرار
ازاى حتلعب
العب كونكان
العب شييت
استغر الله ع العمه
العب شلح
وراحت الليلة ومفيش كسبان

الجيران في حالهم
حبايبنا قالبين الوش
صابهم جنان
خايفين
مرعوبين
مذعورين
م الامتحان

حعمل صوان
طبل وزمر ورقاصه
وشخاليل وحاجات شفتشي
وانا حلعب دور مناضل
وان حلعب دور الكنبه
وانا والعياذ بالله وسيط الاله
واحنا بنينا يافندم الاربع حيطان


ياسمرة
شكلها بتنادى
الجدع
شئ غريب
الست الكمل المجدع هى اللى تحت
والجدع واقف في الشباك العالى
هأأأو
بحبك وحياة خلايايا الجزعية
ياعقد مرمر
لكن انتى عارفة السلم عالى
وانا اسمه ايه ناهش
لحمى العريان
ماتستنظرنيش
ده انا حياله بواقى انسان

ابو بدله سودا
وابو ياقه بيضا
وبنت البنوت !
وابو بالطوا ابيض
لم الخراب
بلَضم الابرة
وحياكة سوسته البنطلون

كان مفيش
كأنك مفيش
نهين سيادتك
ونطاطى ليك
شكر الله سعيك
ضحوا بسيادتك
والنسر يطير

ليست هناك تعليقات:

إرسال تعليق