قالك الملعوب كله من ايران
كل الثورات بدعم من احمدى نجاد
قولنا ومالو ياخويا
زيدنا في دقيقنا ونبقي نشوف بعد شوية هوجة الشيعة
ياي ياخرابي دي دولة مشعة قالها ابوعمه وقفطان
من ساعتها دخل الخواجات ارض الجلاليب
بحجه حامى حمى عيلة ال محروس
دى دوله يافندم مش عيله
لأ دي اسرة حاكمه وخادمه بس معاها دولارات بتاعتنا
قالك قول ان الشيعه حرام
قلنا الشيعة حرام
قول احنا شوفنا هلال
من الانفاق
قلنا شوفنا هلال جوه انفاق
امريكا نيو لوك
رئيسنا اسود فحمه
وابوه مسلم كمان
اتغيرنا خالص عن زمان
ولا قتل ولا كره ولا تمييز
بينى وبينك مركزين علي العرب دلوقتى يامان
قلنا خلاص فرجت وانحلت
قال الحج سليل الاعراف
العسكري والبياع والمبشر
الاول سلاح والتانى اقتصاد والتالت دين الطمع
خرج الراجل يحلف م القاهرة بالايمان
انه حيعمل شرق جديد لكنه نسى يقول بالتفتيت
اخضر في اخضر في احمر وبمبي كمان
نظرة بسيطة
امريكا عاوزك تقول ان ايران شيطان
وان ليبيا حاكمه حمار مغرور الى الامام
يافندم مشكلة ايران صارفة فلوسها علي العدو
غير كده عندها تطور مش بطال
بس رئيس الدولة يافندم حيلته عجله ببدال
وبقيت الشعب شحات
وبتاع ليبيا كان مستغني عن امريكا ومستكفي باسيا
اما المرشد الاعلى خالص هو اله
تلقي حريم وجوارى يافندم ولا السلطان
قال مستنى مخلص يجي مكانه ويبقي الواحد دون شريك
لكن بيقولوا انه ف بعض الاوقات بيرجع ... انسان
طب مين كان بيدعم صدام ضد ايران ؟ انا امريكا
وليه ايران صمدت اكثر من تمن ( 8 ) اعوام ؟؟ بندعم اللى كان بيدعمها يامان
طب ليه في الاخر ضربتوا صدام ومضربوش ايران ؟؟
وفجأة تظهر حماس سلاح منظمة التحرير ضد اسرائيل بتاعة صواريخ العيال
وبعد شوية يظهر حزب الله بنفس صواريخ العيال
الا محدش فيهم قال انه عاوز صاروخ موجه
يضرب ينشن يصيب اعداد
كله مصمم يضرب صاروخ الاطفال
كان فيه امر خفي بتقسيم الارض المحتله تلت اقسام
وزع افلام ضرب .. عنف ..رعب .. ارهاب علي العباد
واكلات وطبق اليوم وفونضام
خلى الشعب ياكل ماك
خلى الكوكا تبقي سر نجاح ..سر تفوق .. سر اعجاب .. سر جذاب
خلى الشيبسي 30 جرام بجنيه وقول ان الشعب مش لاقي ياكل
شوفوا بقي الجنيه يعمل كام كيس شيبسي لو فرضنا انه صحي ومفيد ولذيذ
خلي طول الوقت جيري يظرف توم القط الغلبان
ربي ولادك ان الدنيا مفيش سلام طول الوقت قط وفار
خلى الفار ابن الكلب طول الوقت محبوب بمقالبه وشره
خلي القط المقهور الغلبان تعبان بيضرب ويتهان
اميركا بتدعم الجات
لكن قانون امريكا التجارى اقتل منافسيك ( اقراها واعمل نفسك خواجه )
ادفع رشوة عمولة مساهمة للحكومات تبوظ انتاج تقفل شركات تسرح عمال
ودراعها صندوق النقد الدولى وشروطه وفوايده وبابا غنوجه
ولمواجهة النمو السكانى الرهيب
قول اعلام قول فيه نمو اقتصاد
ازاى ياعم الخواجه
ده اللى كان بينتج 10 الف طن ب 40 الف عامل
دلوقتى بينتج 13الف طن بيحتاج 20 الف عامل يعني النص
يبقي خلاص امريكا قال سرح عمال
شغل تلفزيون
شغل قنوات افلام بنات ..مسابقات ..عربيات ..حاجات .. عريانات
خلى الانسان عاطل مستهلك .. نفسه في هبرة
نفسه في طمعه.. نفسة في ضربة تجيب مليون يعيش انسان
لكنه يافندم كده حيكون حيوان طماع غدار مالهوش امان
يبقي تمام خليه يستني مخلص هو كمان
امريكا انتوا جنس حمار حالوف غبي معلوف برسيم وخيار
وامريكا جنس ارى جنس عالى جنس مالهوش مثال
خلى الحلاليف تموت بالهرمونات
بالسرطان بالفشل الكبدي بالفشل الكلوى بالخنازير
امريكا انتوا حلاليف من فضلك حدد نسلك
اعقم بنات قلل جواز حلال خلي فيه حرام
حاضر حاضر من غير ضرب يافندم بس يعني حتديني كام
امريكا دولارات
لكن انشر جهل
طب والنت النتيت
وشركات جوجل وفيسبوك وتويتر
حتشجع علي الاستثمار والحشد والاستمرار
وفضح الكذب
امريكا ده بقي اقوى سلاح
الم حلاليف تعمل ثورات مش فاهمه سياسات
تنزل شارع تعمل مظاهرات تموت حلاليف
يبقي مفيش نظام ماهى حلاليف ضد الوحده ضد الحكمه ضد الانسان
حلاليف عاوزه تاخد بالثار مش تعرف تبني وترسم بكره
ضد الفهم .. ضد ثقافة
والحلاليف غاوية كلام
الحلاليف بتاعة مذاكرة ليلة الامتحان
تموت في الكلام تفضل تتكلم طول النهار
حلاليف مش لازم تعيش
حلاليف عملت ثورة ومش ممكن يقعدوا قاعده من غير خناق
حلاليف مش اعرف انتاج مش اعرف اقتصاد
اعرف انزل شارع بالبوص اعمل شالوت لاى نظام
طب ماهو سيدتك ممكن ناس تعمل ائتلاف
اكيد حماره انتى حيعملوا ميت ائتلاف وميت جماعه
بس مفيش حد بيتكلم بنظام
حلالاليف مش لازم تعيش
والعمل يافندم
انت اشترى سلاح
الحلاليف تجيب تمويل تسمن تكبر
بس خلاص علي عيد اضحي ادبح حلاليف
بس انشر ان الحركة حركة اصولية شريرة مريبة
خلى دقون يحلموا بالنهار افتح سجون
انزل بفيلم عن ربيع ثورات
لم حلاليف اصوليات
اعمل هوجه موت الف من كذا دين
اعمل فتنه كبيرة حبه موت بيها
بقيت حلاليف معارضة وحلاليف نظام
الاغنية المصاحبة وعلي ايه ديه حكاية خلضت من بدرى والله خلصت من بدري
انا فعلا مع عدم الاقتراب نهائياً من الجيش المصرى الباسل فكل احترامى للجيش
اختلف معه سياسياً لكنه يحميني ويحمي غيري واؤمن ان الجيش سلطة من سلطات الدولة
ولكنه ليس السلطة الوحيدة
كما اؤمن باستخدامه القوة ضد اى تخريب في الدولة
والعودة الى ثكناته بعد عودة الامن والامان
ليست هناك تعليقات:
إرسال تعليق