اكتر حاجات بتحبها معظم الستات والبنات

امسك ايديها بمناسبه او من غير مناسبة اتلكك وامسك ايديهاوخصوصا قدام الناس والعالم كله ان امكن ( بيحسسها الموضوع ده بالامان والحب وانها حب حياتك )

لما تكون متغاظ من شئ او علي وشك خناق وخلاف قولها بحبك وخدها في حضنك ( صحيح المشكلة مش حتتحل انما ممكن تتحل لما يكون الطرفين في حالة هدوء )

رجعلها خصلات شعرها لو نزلت علي وشها وداعب خصلات شعرها عموماً ( فيها قشعره جميلة وبتحس معاك بالاهتمام )

بوسها علي جبينها ( تلاقيك بتقولي هي اختى حبوسها علي قورتها !! لكن عارف ان البوسه دي بالذات لمراتك بتخلى لعلاقتكوا عمق كبير من الحب والتقدير )

( عارف اغنية بلاش تبوسنى  في عينيا دي البوسه في العين تفرق وهو كلام غير صحيح تماماً بالعكس البوسه في العين بمشاعر صادقه وبزمن معقول تخلي الحس الخيالى يولع من العاطفة وبعدين ماتتكلمش مجرد ان عينيك في عينيها وعبر من خلالهم عن حبك ليها جرب مش حتندم )

جملة خلف الاذن هي قمة الاثارة والامتاع والمؤانسة

كلمات وجمل :

انتى ام ممتازه ، ام جميلة ، ام حنينه جدا ، ام بجد

انتى مشرقه ، انتى جميله قوى انهرده ، ايه بس الحلاوه ديه

انتى اجمل واحده في المكان ، اجمل واحده في عمري لحد انهرده ، اجمل واحده في العيد ، انتى اجمل واحده في صحابك

علي فكره دماغك متكلفه ، بحب طريقه تفكيرك ومنهجيه فكرك ، بحب ترتيبك لاولوياتك

نفسي اموت بين ايديكي ( واحد ابن كيئبه )

كل يوم اكتشف فيكي شئ جديد رائع

حياتي كلها في الكلمتين دول (انا بحبك )

وانتى جنبي بحس براحه وصفا