( ميم & سي"م" )

( ميم & سي"م" )

م : ليه الاسلام السياسي بيواجهة الحضارة التقدميه اللى احنا في مرحله مهمه منها ؟
س : لان الحضارة دي قايمه علي العلم ، والحريه ، وسلطه الفرد وبالتالى حتبقي مزدهرة  لانها بتتجه وبقوه لاتاحتها للعامه OPEN SOURCE
 م : مممممم يعني تقصد ان الجماعات البشريه بتقاوم ده عن وعي حقيقي بالفرق الزمني بينهم وبين الحضاره ؟
 س : معتقدش بشكل له وعي لانهم مازالوا عايشين في العصور الوسطي فكرياً ، انما اميل انهم بيعملوا ده بشكل غريزي ، للمحافظة علي الموروث الثقافي المتمثل في ما يمتلكونه من مطلق حالياً
م : يعني هما شايفين ازاى عظمة الحضارة الاسلاميه ؟
 س : هما مش فاهمين او متناسين ان عظمة الاسلام اللى نفسهم يرجع مبنية بالاساس علي تحمل وقبول الافكار الجديده وبالاخص الثورية
م : مش فاهمة ؟
 س : شوفي احنا في مجتمع يفتقد لنقطتين مهمين جدا للمستقبل ، الحكمه والبصيره مع غياب تام للنقاش العقلاني واعتبار اي نوع من النقاش هو نقد بالاساس مع غياب الحجه يتحول النقاش ده لجدل شخصي ويتم تصنيف الانسان وبالتالى تميزه بحجه معرفه التوجه ومن هنا بيتم الاقصاء ، والحكمه هي القدره علي تحديد القضايا الجوهرية الحاسمه في زمانا .
م : مش فاهمه حاجه ؟
 س : شوفي ، الناس دي شايفه ان الحكومة الدينيه بوحي الاهي او باتكال الاهي حتقدر تريح الناس من الاختيار وبالاخص في وجود اكتر من نموذج يكسر نمطيه الاختيار بين بديلين للاختيار بين اكتر من نمذجه .
م : تقصد انهم مش فاهمين يعني ايه علم ؟
 س : بكل تاكيد العلم بالنسبالهم خادم لجمود النص ، ولازم يعترفوا بان للنص زمنيه ماتنفعش في كل الاوقات وفي كل الاجيال لان النص مربوط بزمن نزوله وطبعا الكلام ده مش حيعجب حد ، فالعلم معرفه منظمه ، واحنا في مجتمعات فاقده تماما للتنظيم لانها مجتمعات غير منضبطه . والعلم يودينا للحكمه والحكمه هي حياه منظمة .
م : افهم منك انك ضد الفوضوي ؟
 س : بالعكس يعني اللغه العربيه مثلا كانت لغه منطوقه وبعدين كتبت بغير تنقيط وبعدين تم التنقيط وبعد فتره تم تنظيمها عن طريق النحو وهكذا الفوضوي هي الاساس ، انما وعينا مع الشغف بالفهم بنتحول الفوضوي لعلوم فيها تنظير بقوانين وهكذا فانا مش ضد الفوضوي بالعكس
م : يعني ...؟
س :" مقاطعاً "  معلش اضيف حاجه بسيطه ، لكن بأيد برضوا ان الفوضوي المتعمده تحت ظروف معينه وفي وقت معين . يعني تقدري تقولي محاكاه للفوضوي اكنك بتعملى تجربه علميه زي تجربه سيرن كده .
م : مال ده ومال عوده الخلافه والحضاره الاسلاميه العريقة ؟
 س : حقولك ابن سينا معروف انه عالم كبير اهو ده مثال حي ان الغزالى كفره ، وده اللي بيتم ان عالم لغوى " دين " يكفر ، عالم " علم " شوفي انهرده ميراث ابن سينا ايه لدي الحضارة التقدميه اللى بنعيشها ، وميراث الغزالى فين في الحضارة الشرقيه الحاليه ايه وانتى تفهمي الفرق . الطبيب ابو بكر الرازى كفره البيروني ، ابن رشد مثلا تم تكفيره تكفير مزدوج من علماء الدين المسلمين والمسيحيين بل واعتبر فكره خطر . المهم يفضل الصراع قائم بين العلماء " علوم الدنيا " ، وعلماء " علوم الاخره " وطبعاً " القصر " انما في اعتقادي ان الحضاره التقدميه حتقلل السلطه الدينيه المركزيه لحساب طوائف اكتر بكتير من الاعداد الموجوده وان الدين مش حيموت ، بس تبقي كارثه لو العالم كله رجع للعصور الوسطي وانا ماظنش الا لو حصلت ازمة عملاقه في الطاقه لان الحاضرة الجايه معتمده اعتماد كلي علي استهلاك قدر اكبر بكتير من الاستهلاك الحالى للطاقه لانها حتعتمد تماما مثلا علي الواقع الافتراضي واستخدامات مابعد المعلوماتيه .

( ميم & سي"م" )

ميم : انت عاوز ايه باللي بتكتبه ؟

سيم : ولا حاجه ، مجرد توثيق ...
م : طب وعاوز ايه من الحياه ؟
س : ولا حاجه برضوا
م : يعني مش عاوز تاكل تشرب ؟
س : دي اساسيات ، اعتقد ان كان سؤالك اكبر من كده
م : طيب ايه سبب وجودك ؟
س: مفيش سبب واضح ...
م : ازاى ؟
س: اظن جزء من تطور مش اكتر .
 م : بحس في كلامك ان مفيش حاجه بعد الحياه ؟
س: وانتى ليه عاوزه يكون في حياه بعد الموت ...
م : مش عارفه يعني نفسي اتعوض عن الحياه اللى عشتها هنا بحياه ارقي .
س : طيب وعلي فرض انك حققتي فوق كل ده في كل حاجه ، هل حتقدرى تستحملي الاتاحه دي للمنتهي ؟؟؟
 م : يعني انت لا ليك لزمه في الحياه ولا شايف ان فيه حياه بعد الموت طب وهو يبقي ليه فيه حياه علي الارض بالاساس وليه فيها بشر اساسا ؟
س : ورغم انك غيرتي الموضوع ، الا ان الموضوع بسيط الحياه عبث فوضوي متطور
م : بس الاديان بتنظم الحياه ؟
 س : بالعكس ، بالوقت العلم بيوصل حاليا لمناطق اعمق دراسه حاجات ماكنتش بتتشاف بالعين المجرده والعلم بيطور نفسه والاهم بيصلح نفسه باستمرار ولما بيبقي غلط بيعترف بغلطه ده معناه ان المنهجيه اللى قايم عليها حتفضل الاصدق لانها بتعترف بالخطأ عكس الاديان ، علي العموم مفترض ان الدين يقف عاجز عن احتواء ده وبالتأكيد حيخلي بشر كتير قصاد الجمود الفكري الديني حتتحول للالحاد او اللامبالاه او التطرف الشديد كرده فعل .
م : يعني انت معتقد ان الدين حيموت ؟
 س : انا ضد فكره تثبيت الاعتقاد لكن طبيعي باخد راى بجتذب اليه حسب منطقي وتحليلي سوا ثبت صحته او خطأه لكن انا مقلتش ان الدين حيموت ... بحب اطمنك الدين مش حيموت حيعيش بس حتتفتت الكتل الكبيره لطوايف اكتر بكتير من الموجود حاليا وبالتالي حتفقد جزء كبير من قوتها بس طبيعي حتبقي فيه صراعات قاتله داخليه
م : يعني انت بتقول ان السلطه الدينيه في خطر ؟
 س : مش السلطه الدينيه بس القفزات اللى حتتحقق قريب لو لو العالم مااقدمش علي عمل متهور باستخدامه لحروب نوويه وخلافه حيؤدي الى تدمير مهول او تخريب حيستمر العلم في تسهيل الحياه للبشر ويتجه تماما لاتمتة الحياه وحتختفي مجموعه كبيره من الوظايف حتم بالروبوت لحساب وظايف تانيه حتبقي مزدهره وده تحول بيتم في اي مرحله انتقاليه بين التطور الحضاري
م : انت بتوهني عن السؤال !!!!
 س : بالعكس بحاول اقولك راى بمنتهي الوضوح ومن اكتر من جهة ... اعتقد ان لو السلطه في العموم ماحاولتش تفهم بسرعه طبيعه التحول الحالى وبالتالى تغير من طريقة التفكير الخاصه بيها واعتمادها علي التفكير الكلاسيكي القديم في اتخاذ القرارات والمواجه وطبيعتها بين السلطه والفرد اعتقد ان السلطه الفرديه حتسود عن السلطه المركزيه وده حيخلي فيه مشاكل كبيره في الفتره الجايه وعدم استقرار اكبر لكن السلطات اللى حتقدر علي التفاعل السريع وتغير الشكل النمطي المعهود في رد الفعل بسن قوانين تتماشي مع التغيير ده اكيد مش حتحكم المجتمعات محلياً انما حتحكم الكوكب كله ... بس انتي ليه قلبتي الموضوع ديني ؟
م : طب انت عاوز الناس تعمل ايه ؟
 س : مش عاوز حاجه من الناس لان الناس في جميع الاحوال حتتطور سوا قبلت ده او لا انما طبيعه التفاصيل الصغيره اللي هي بتفرق في يومهم وتاخد من وقتهم نقدا ايجابا كان او نقدا سلباً وده بيخليهم بشكل كبير مايبصوش للموضوع نظره شموليه بالعكس بتفصلهم الاحداث الصغيره ويشوفوا انها احداث كبيره لكن في النهايه التطور بيحصل بيحصل ودايما اسمه تتطور زي سهم الزمن كده انه عمره مابيرجع لورا كمان التطور عمره في مجمله مابيرجع لورا .
م : تقصد ان الناس غبيه مش بتفهم ؟
 س : لا خالص ، اقصد قديما ان التطور مش بيبان للناس في لحظتها الفارقه بالنسبالهم وهي لحظة وجودهم الحاليه ، انما بيبان لما تلاقي تراكم معلوماتى للبشر في الاجيال اللي جايه ، وحاليا الناس بتعاصر التطور ده والترقي ده بشكل حقيقي وبقفزات سريعه اسرع بكتير من تطورهم البيولوجي في ال100 الف سنة اللى فاتوا وعليهم الاختيار بين العوده للعصور الوسطي ( اللي هو مش حيحصل في مجمل التطور ) للمواجهة ولمحاولتهم لاستقرار المجتمعات المعتمده كليا علي التجهيل والخرافه ، ده مش معناه انه حيحصل لكل البشر في الكوكب انما حيحصل لمجتمعات بعينها و....

يجلس " امنجي بسيط في احد المقاهي في وسط البلد " : انتوا بتقولوا ايه ياكفره باولاد دين الكل........

حلم

يمكن كان الحلم مختلف في الاول ... يمكن مكنش كده الحلم بالاساس ... قاعد في كرسي الاتوبيس مبحلق في الطريق ... بشوف في عينيها حزن مر ... من ورا القزاز ... مش بايدي اغير المصير ... يمكن يرجعلها حي ... مهما يمحي المطر نوات الشتا ... محدش حيقعد قدام البحر ... للابد

تقديس ( كتاب ذاتي مقدس )

مزج سابع

الموت 

-         المعني الاصيل للحياه هو ان تتوقف هكذا قالها " كافكا " وهكذا اقولها لكم ايضاً 

-   النفس التي تخطئ لا تموت فلا علاقة بين الموت والخطيئة غير في عقول الظلاميين

-         فالموت امر مقبول لكنه بالنسبة لكم غير مقبول البته فالموت لم يعد سراً بعد اليوم فالموت نشوة كالشبق ، التماس شبقي لنهايه الاعصاب الحسيه مع نهاية الجسد  

-         فالحياه والموت واحد ( كما النهر والبحر ) ، فالموت لايبطئ ولايغير من زحف التطور البشري ، فالموت لايعتبر باباً لحياه اخرى .

-         الموت ليس موتا بالنسبه للماده الاولى او الطاقه فالماده والطاقه لاتتغير بتغير الزمان والمكان فهو الخلود .

-         الخوف من الموت هو خوف من الحياه ، والموت جزء اصيل ضرورى للحياه .

-         الموت حقيقي والكل سواسيه غير ان مايهمكم الان هو كم التفاصيل المعيشيه في الحياه فكل منا له تفصيله .  

-         لاعلاقة بين الموت والخطيه فالخطيه نسبيه اما الموت فحقيقه .

-         الموت سكون وثبات يختبره حياً كل من شرع في الارتواء من التأمل والسكينه

-         الموت يجعل من اجسادكم مواد اوليه تعيد تشكيل حيوات اخرى في الكون

-         من يحيا ليتجنب الخوض في " التجربه " احمق ، فما الحياه الا تجربه في ذاتها

-         ميت من يعد نفسه كل يوم منتظرا الموت فدعوا الموتي يدفنون موتاهم

-         الموت لم يكن ابداً مصيبه او مصاب جلل بل واقع الفراق للاحياء مر ، لذا فالموت يصنع للحياه قيمه .

-         لا تنتظر بعد الموت شيئاً فحاضرك الان وعياً لن يكون بعد الموت وعياً ولا ذاكره ولا وجود

-         كل ماتشتيه معك في الحياه فاحياه لانك لن تراه بوعيك الحاضر مرة اخرى

-         لا تعمل للناس لان الناس سينسونكم اسرع مما تظنوا ، وان بقيتم في تاريخ البشريه فسيبقي منكم الاسطاير والخرافات وليست الحقيقة لان البشر يصنعوا من انفسهم اساطير باطنها الوجع والمذله فهم لايصدقوا الحقيقه لانهم لايستطيعوا التعايش في وجود التضاد ففي الكون لا وجود للخط المستقيم بل انتم من خلقتم الخطوط المستقيمه لتحليل الاشياء .

-         يقولون لكم ان تلك الايام ايام خلاص وان تلك دلالات نهاية العالم اما انا فاقول لكم انهم يخشون الموت فيختلقوا المخاوف ليستمر كل سجان  في سجن نفسه علي قوانين سالفيه الوضعيه اي كانت والحق اقول لكم انهم كانوا امواتا قبل ان يموتوا

-         كل نفس مستهزئه بجسدها فهي قاتله لنفسها لانها لم تعي حقا معني الحياه وبالتالى فهي لاتفهم ان الموت موتاً نهائياً لاعوده فيه فلا احد منكم يريد بالحق الواقع .

-         اغلبكم منذرين بالموت ممتنعين عن الخوص في الحياة ،  داعين ومبشرين بالموت فمن ذا الذي يحيا بايمان ثابت ان الاصل هو " الموت " وانه اسمي من الحياه وان كان فهو باطل ، كل من يستهويه الحياه الابديه عن الحياه الوجوديه فليخرج من مجمعنا فهلموا خارجاً من الدنيا ايها النعوش المتحركه لتنولوا ما تؤمنوا به من ابديه من القرون الوسطي فانتم عبئاً ثقيلاً علي الداعيين للحياه .

-         كل من يخدم الحياه بحق يدرك بحق زمنيه فن الرحيل لا تعرض نفسك للاكل اذا توقف اكلينك عن الاكل اذا ماكنتوا تودون الاحتفاظ بالمحبه .

-         لا تثقوا البته في مايقوله لكم دعاه الموت البطئ بالصبر تاره واحتمال البلاء تاره فهم بذواتهم لايصبروا 

-         ما يموت فينا ونحن احياء اكثر خسارة من اعظم موتاكم