حدث خطأ في هذه الأداة

الأحد، 19 أبريل، 2015

ليه شريكتك مش بتكلمك !!!

في الجنس
ها تفتكر ليه ؟
صعب علي اغلب الرجاله انهم يقبلوا او يوافقوا ان شريكة حياتهم وام اولادهم تتكلم عن حاجات حتساعد علي انجاح علاقتهم الزوجيه ( بس عادي جدا يتكلموا مع الستات التانين عن الجنس ) ... المهم حتفضل الحاله دي زي ماهي موجوده في واقعنا ... حتي لو الراجل لارج لارج ( متحرر فكرياً ) فهي في الغالب عمرها ماحتبقي الصفه الغالبه او الصفة العامه ، في المقاله دي حنتكلم عن اسباب ليه شريكة حياتك مش بتتكلم في الجنس معاك .
* الكسوف
الست دايما بتحس بالحرج الشديد لما تتكلم عن احساسها في السرير ... او في المناقشه مع شريكها في اللى تم فوق السرير بينهم ... نسبة كبيره من الستات بتتكسف تتكلم صراحه عن الجنس قدام شريكها ... هي بتحس انه موضوع محرج .
وعلي عكس الاعتقاد الشائع ان الست ظياطه ولكاكه وبتحكي كل احداث ومعارك السرير لكل من هب ودب ... احب اقولك ان الست بتكون مكسوفه جدا ومحرجه جدا انها تبلغ اقرب الناس ليها انها مش بتستمتع بالجنس مع شريكها او انه مقدرش يوصلها للاستمتاع او اللذه في ممارسه الحب او انه راجل النص دقيقه الخ اخره . لانها بتحس انها جزء من الحدوته نفسها
* الخوف انك تبقي القاضي اكتر مانت قاضي
بتخاف تحاكمها لانك ببساطه حتبقي القانون القاضي والجلاد والسجان والدفاع ومفيش ست عادة بتقول انها غلطانه انما ستات كتير بتسكت طبعا ده في حالات السلم العام انا مش بتكلم عن الخلافات اللى بتوصل للضرب او استخدام العنف بين الاتنين او السب والقذف انا براعي جزء ان الاغلب ناس سالمه متسالمه
* هي مش عاوزة تهز ذاتك او نفسيتك
جايز جدا تبقي حابه تعبر عن ان العلاقة بينهم علي السرير ممله جدا ، لكن هي لو عبرت عن ده عارفه ومتأكده وعلي يقين انها حتهز ثقتك بنفسك ( ماتكابرش وتقول انا محدش يهزني ، انا ماتاثرش ، انا اعرف نسوان كتير الخ الخ انت عارف انها لو قالت كلام معين وانت رجوله الرجوله ممكن تخليك تلف حوالين نفسك بكلمه .. اه والله ) فاغلب الستات بتسكت بتقرر تضحي برغباتها وتسكت احتراما لذاتك وكمان علشان ادائك مايتأثرش علي السرير او معاها بشكل عام .
معظم الرجالة بيلاقوا صعوبه في تقبل انهم مش بيعرفوا او انهم مملين علي السرير ، لان ببساطه حيكون ايه شعورك وانت حاسس انك ضعيف او عاجز الخ من الصفات .
* الاحترام
صعب انك تلومها علي احساسها وخصوصا لو هي ماتكلمتش ... هي بتبقي عارفه كويس جدا جدا ايه اللى يتقال وايه اللى مايتقالش لان ببساطه لكل ست وعي حتي لو جاهله او فقيرة او مش متعلمه او او او . لان لكل انثي علي هذا الكوكب وعي واهتمام وانطباع كونته زي المعتقد الايماني كده عن شريك حياتها .
اغلب الستات بياخدوا بالهم جدا من كلامهم حتي لو بالتلميح او التعليقات من بعيد ، وده علشان التربيه اللى وصفت الجنس بانه عار وبالتالى بيراعوا جدا ان الاخر مايفكرش مجرد التفكير في انهم عاهرات . علشان كده الست بتكون كتومه في اغلب الاوقات الا طبعا في حالات خاصه
واكيد لكل قاعده شواذ
احب اسألكم سؤال ... علشان تقدر تفهمني
حيكون شعورك ايه لما شريكتكتطلب منك حركه زي DOGGY علشان الحركه دي بتسعدها جدا ؟
طبيعي جدا جدا انك تقول عليها " خبرة " وخصوصا لو بقالك سوا مده مش كبيره اقل من سنة . وممكن طبعا تعمل مصايب تانيه توصل للعنف والايذاء ، او مجرد استمتاعك بالعنف الجنسي نفسه ، ده حتي لو في انت اللى كنت مقترح وعلمتها الحركه نفسها قبل كده . انت تقولها انما هي تبادر حتبقي من الكبائر . علشان كده الست بتختار انها تسكت ولو انت راجل لارج بس بتحب قعدات المصاطب وعديت الموضوع ورحت حاكي بعفويه لاصحابك وقلت انها قالت كده حتسمع كلام جميل جدا عنها وعن سلالتها بالكامل ... علشان كده هي متعوده تسكت
في حاجات شريكتك استحاله تقولهالك بس انت لازم تعرفها ؟
* هي بتبقي عارفه ان فيه حاجات معينه انت عاوز تعملها علشان انت بتتفرج علي افلام بورنو ودي لاحسه دماغك وطبعاً انت مش محتاج افكرك ان ده تصوير وبيتعاد وغيره وان الناس دي اعضائها متبهدله وان فيه تصحيح الوان ، ده غير النفخ والشفت وغيره وان اللى بتشوفه الكاميرا مش موجود في الواقع باي صورة من الصور الا في خيالات المهوسين بالجنس .
* فكره التحمل ... مراتك مش جمل ... يمعني انت لو فضلت تدعك في ايديك في منطقه بعينها اكتر من 3 دقايق حتجيب لنفسك قرحه حتي لو بتحط كريمات تنعيم او KY ففكره الراجل الهالوف ابوا 18- 45 دقيقه وغيره ده اما ضارب كم مهول من الازرق والاخضر والابصر ايه او بيهري علينا كالعاده يعني او هو داخل كهف من الصخر الحجرى وطبعا قطاع كبير من الستات بيتوجع الم رهيب وبيكتموه علشان سياتك تبقي فخور بسياتك وبالتالى شركات الادويه عماله تكسب علي قفاك ارقام خياليه الا في حالات الامراض الجنسيه .
* اغلب الستات عارفه هي بتستمتع ازاى زي الاستمناء علي سبيل المثال وعارفه ازاى تفرح وتحس بالنشوة " الشبق " بس اغلب الستات بتسكت ليه علشان حضرتك ماتقولش عليها انها بلا بلا بلا بلا .
* الاستخدام المفرط في الكريمات KY بيفقد متعه العمليه الجنسيه بالكامل وممكن يخلي العمليه كلها مش مريحه وممكن توصل الست للملل ده مش معناه استخدام " التف " بصورة انها مبوله عموميه في اغلب الحالات

ليست هناك تعليقات:

إرسال تعليق